“Mini-MBA” Proqramının təqdimat mərasimii
Azərbaycan Marketinq Cəmiyyəti (AMC) Mərkəzi Avropa Universitetinin (Macarıstan, Budapeşt) Ali Biznes Məktəbi ilə birlikdə 2010-cu ilin may ayından başlayaraq aşağıdakı 6 modul üzrə 72 saat olmaqla “Mini-MBA” proqramının təşkil edəcəkdir:
- Strateji planlaşdırma;
- Tətbiqi marketinq;
- Biznes kommunikasiya;
- Layihələrin idarə edilməsi;
- Korporativ maliyyə və mühasibat uçotu;
- Böhran dövründə xərclərin azaldılması və səmərəliliyinin artırılması.
“Mini-MBA” proqramının məqsədi hədəf qruplarına Azərbaycandan kənara çıxmadan dünyanın tanınmış universitetlərindən nüfüzlu professorların cəlb edilməsi ilə avropa keyfiyyətli və biznes təhsilin təqdim edilməsidir. Təhsil MAU-nun aparıcı professorları tərəfindən ingilis dilində aparılır.
Proqramın əhatə etdiyi müddət 6 həftədir. Proqramın yekunu olaraq test imtahanlarının nəticəsi və kurslarda iştirakın səviyyəsi nəzərə alınmaqla MAU-nun diplomları verilir. Bu diplom Avropa Ali Təhsil Orqanı (European Higher Educational Area) və ABŞ-ın Nyü-York ştatının Təhsil Departamenti tərəfindən tanınır. Həmçinin, MAU-nun diplomu Avropa Birliyinə üzv olan dövlətlərdə və ABŞ-ın digər təhsil müəssisələrində də tanınır.
Ali Biznes Məktəbi Mərkəzi və Şərqi Avropada amerikanın idarəetmə üzrə magistr dərəcəsini (MBA) almış və biznes üzrə ilk təhsil proqramları təqdim edən universitetdir. Yarandığı vaxtdan Biznes Məktəbi qlobal menecment məktəbinin nəzəriyyəsi və keçid dövrünün regional iqtisadi problemlərinin reallıqları əlaqələrin təmin edilməsində arasında aparıcı rol oynamışdır. Biznes məktəbi daha çox istedadlı müəllim-professor heyəti, tələbə və məzunları ilə tanınır. Çoxmillətlilik biznes məktəbinə təhsil proqramlarının dəyərinin artmasına kömək etməklə yanaşı, bu təhsil ocağına özünəməxsus bir kalorit verir.
Azərbaycan Marketinq Cəmiyyətinin mətbuat xidməti
| < Prev | Next > |
|---|
Azərbaycan Ixrac Kataloqu 2011
